theme-sticky-logo-alt
theme-logo-alt
Advertisement ad1
Advertisement ad1

Pynkut ka HC yaka mukotduma hadien wa wanrah ka sorkar yaka Roster System, dang pteiñ i khang thung kreh thymme

Advertisement ad1
Advertisement ad1
Advertisement ad1

Ka High Court ka Meghalaya da chong bichaar biang ko ynne ka sngi heiyatoh wa i rukom bhah kreh hapoh ka Reservation Policy deiwa pynkreh ya ka ‘Roster System’ wa pynyoo kammon da bhah yei kreh hapyrdi ki jaitbru waphær waphær hapoh ka jylla.

Neiliang ka sorkar Meghalaya ynne da ekti ko leh ya Roster System wa da jied wow pynemkaam neibynta ka Reservation Policy ha waroh ki kreh sorkar deiwa kdaw leh hadooh kammon ka bhah yong ki bru wa em i duna hei doh i pran wa kamjooh ki jait kreh wym ye ki u yoh bhah.

Advertisement ad1

Kamtæ ka yung bichaar da ong ko wa khlem da bichaar yei bha i miat kani ka Roster System wa da wanrah ka sorkar da rai ko wow pynkut chwa ya kani ka Sou Motu Proceeding namo ka bichaar wa da leh hi da ka hi tangwa ka hukum wow khang chwa wow thung kreh thymme u neh chwa ko hadooh wa ye u tip kiyi kiwa dadep thung kreh chwa heiwa hadien ini daw pyndam noh ya ka hukum wa khang yei thung kreh. Ini man ko neibynta waroh ki jait kreh wa krehkaam ka Reservation Policy yow pyntikna wa neini chakhmat manda thung kreh wa lait daw leh dei rukom wa toh. Du hadien wa dep u leh ya ini waroh daw ye wow thung kreh thymme. Ini leh man ko neibynta waroh ki Entry Level Post ha waroh ki chnat wa krehkaam ka Reservation Policy.

Chooh chooh ka yung bichaar da ong ko wa hadooh katwon biang kani ka Roster System ym pu em ong iyi iyi leh wei da pynche leh heiyatoh wa ki Gradation List kawa pynyoo yei pynku kyrdan ya kiwa kreh ym em yatoh ko waka Roster System wei ya kani daw pait da ka Merit Position yow tip kiwon kiwa da toh u ku kyrdan.

Hajrong ini waroh, ka yung bichaar da pynkut ko ya kani ka mukotduma.

Share this:
Previous

Ym ye u rah ya ka poisa ka jylla yow pynlut cha kiwi yow pynkhlan ya ka Party: Prestone

Next

Chongchit ka yaseiñ yalap ki khon khynroo ka Balang Catholic ha Barato Parish