theme-sticky-logo-alt
theme-logo-alt
Advertisement ad1
Advertisement ad1

Pynkut ka Tep Kyndait Government UP School ya ka Annual School Week 2022

Advertisement ad1
Advertisement ad1
Advertisement ad1

Ka skur Tep Kyndait Government U.P. School kawa em ha Tuber Kmaichnong da pynkut ko ya ka Annual School Week yong ka ynnin ka 13 tarik heiwa u Principal ka Jaiñtia Eastern College dawan sakhi u kam u kongsan, katwa u Waheh Chnong ka chnong ka Tuber daman u kam u Symbood Kongan hei ya emlang u Richmond Dkhar, Secretary heithaw u MLA ka thaaiñ, u Kyrmen Shylla.

Da sdang ya kani ka tayaw lehkmen yong ka skur nadooh ka 10 tarik heiwa da em chiboon ki jait yalehke Sports neibynta ki Junior wa ki Sub-Junior, da em leh ki Literary Competition kam ki Debate, Quiz, Extempore Speech wa kiwi. Ki khynnah yong ka skur daman ki kiwa yachimbynta chongchit nadooh wasdang hadooh wakut han hapyrdi wa pynwit u slap kattu katni por leh.

Advertisement ad1

Ha ka sngi pynkut da pynlai ya ka yalang tbian da u Riquoma Rq. Laloo wa man u Headmaster yong ka skur, da yoh ya i klam na u Waheh Chnong, u Jiedlang Sana heiwa da ong u wa i puræ puthi toh iwa emkaam bha hei rta pyrthai ki bru, deiwa ngait skem u wa manda em hei stat i tip, ka akor burom leh u em ko. Neibhah hei yong oo i lai luti, wym em u ka-it u wow laiskur tangwa ya ka akor ka burom yaleh u ksoh katwa ye walah u. Da e nongmuna u wa ki khynnah wa stat, wa puræ puthi tip haroh ki u burom ya ka rymaw ka tawiar sookun yong i, deiwa pynneh pynsah ki ya ki mar wa da thung, ki dieñ ki siej. Kyntu u leh ya ki wajop wymhoi u man kiwa sarong heijooh ipor kiwa rem leh wymhoi u dooh mynsien ki, hap yaleh chitom yoh u man kiwa jop hadien habood.

U kongsan yong kani ka sngi, u Dr. Phervision Nongtdu, Principal, Jaiñtia Eastern College, da ong u wa sñiawkmen u hadooh kattæ kattæ wa yoh u ya emlang kamni, u yachimbynta wa ki kaam yong ka skur, neibhah na ki por cha ki por jooh yoh u ya embynta wa ki Tuber du hei wai Fete næ wai Droma. Kani toh ka laad wow yoh u pynsñiaw ya ki khynnnah skur, kiwa man ki mynried ka ri; deiwa kyntu u ya ki wow ksoh ya ki kyntien u waheh chnong wow tip u burom ya ka bei rymaw. Ka subject Environmental Studies ha kini ki por man ko kawa emkaam hadooh kattæ kattæ, neibhah na kani yoh ki khynnah u tip u yada ya ka rymaw. 

Da ong chooh chooh u wa ha kiwon kiwon ki yaleh, em i jop wa i rem, tangwa ymkor ware itæ; iwa kor dooh toh i yachimbynta neibhah manda yachimbynta, da pynka-it yei mynsien yong idæ, da chongchit, dakmen wei kani wanrah ko ya i chait i khiah hei manbru. Da e khublei u ya waroh kiwa sikai, kiwa kreh ha ka skur wada ye ki u pynlai bait ya kani ka tayaw lehkmen yong ki neibynta i bhalang yong ki khynnah skur.

Da saam ya ki khusnaam (Prize) cha kiwa jop ha ki yakob waphær waphær da kitai ki waheh wa ya emlang. Ya ka Best Discipline Group da yoh rah da ka Group Dahlia katwa ya i naam boon Point tam da yoh da ka Group Desert Rose kawa da man kam ka Best Group of the Year.

Dayoh ya ki kyntien e khublei da u chongknor, u Riquoma heiwa da pynsñiaw u yei jan wow kongsan neibhah ha kiwa boon ki bynta da jooh ya embynta lang ki na ki por chaki por, ya u waheh chnong, uwa da yarap ya ka skur ha kiwa boon ki liang kat iwa emkaam ka skur wa yatoh wa ka chnong næ wa oo. 

Da pynsñiaw u leh i khublei wa kyrpang ya u Kyrmen Shylla han lym yoh u ya emlang leh da ebor e mynsien u ya ka skur wow tia chaphrang ha ki kaam yong ka kamjooh leh daphah u wow ya emlang da u Richmond Dkhar. 

Da pynkut ya ka Tayaw Lehkmen yong ka skur deiwa pynbna biang u Kongsan, u Dr. Phervision Nongtdu da oo, heijooh i por da kyntu u ya ka skur hi waroh kawi wow man kiwa kreh chitom ha waroh ki liang, khnang wow ye u wanrah naam ya ka skur.

Share this:
Previous

Yoh ka Diengpasoh Police Station ya i naam Best Police Station

Next

Da pynman ya ka e sikai ya ki waheh chnong hajrong ka “Human Trafficking”