theme-sticky-logo-alt
theme-logo-alt
Advertisement ad1
Advertisement ad1

Pynkut Ka WJDBA ya ka 13th Open Badminton Championship 2022

Advertisement ad1

Ka 13th Open Badminton Championship 2022 wa da pynlai da ka West Jaiñtia District Badminton Association (WJDSA) kawa da pynyaleh ha Seiñraij Indoor Sports Complex, Tpep-Pale nadooh ka 8 tarik da pynkut noh ya ka ynnin ka 13 tarik Naisaphra heiwa u Pa Dolloi ka Elaka Jowai, u Wh. Puramon Kynjin daman u kam u kongsan hei emlang u EMH Passah, Working President, West Jaiñtia District Sports Association wa kiwi kiwa chah khut sñiawbha.

Ha ka yalang pynkut hei pynlai u Teddy Laloo, Chairman Tournament Committee, u Richard Mylliem, Secretary Tournament Committee da e u ki kyntien khublei katwa u JM Pohsngap, President WJDBA da khana pynsñiaw u chaphang ka seiñ wei da ong u leh nadooh u snem 2005 ka seiñ hei bor wa khian yaleh ko u pynman ki yakob waphær khlem chongniah neibynta wow pynchlur næ u sai u pynmih pyrthai ya ki khon ka ri Jaiñtia kiwa ka-it wei em sap ha ka Badminton, chooh chooh da khana u leh wa nei tyoor luti ka WJDBA da em leh chiboon kiwa yoh ya ka State Award wei kamjooh leh kiwa daw mihkhmat ya ka jylla cha ka Inter State Badminton Championship ka wow man ha Tripura.

Advertisement ad1
Advertisement ad1

U Pa Dolloi hawa e kyntien kam u kongsan da e mynsien u ya ki dkhot ka seiñ deiwa ong hawa leh yeiwon yeiwon i kaam ym hoi u booh da ka poisa hakhmat iwa emkaam toh i mynsien yakrehlang neitæ ong u leh kynmoo ka Badminton toh ka jait yalehke kawa kiwa chimbynta toh u tip ki u pynkrehkaam ya ki le tylli ki bor heijooh i por kitæ toh i jabieñ, ki khmat wa i pran wei rynyieñ wa khlan. Chooh chooh kitbok kitrwiang u leh deiwa ong kyrmen yooluti lyngba ki yakob kiwa da pynman ha ki kyrdan waphær na ki por cha ki por u mih sakhiat kitæ ki khon khynroo khyllood ki wow rah naam rah burom ya ka District kamjooh ya ka jylla.

Kiwa chimbynta kiwa da rah naam ha ki kyrdan yakob waphær man ki kamni:

Women’s Single:
Champion: Balashembha Passah, Chutwakhu
Runner-up: Ribhalang Passah, Loomsooiung Newhill

Women’s Double:
Champion: Ibalari Siangshai wa ka Pretty Mary Sumer 
Runners-up: Balashembha Passah wa ka Emilanadaka Chyrmang

55 Above Men’s Single:
Champion: Lalmansiama, Khliehtyrshi
Runner-up: Polestar Niangti, Loompyrdi Iongpiah

55 Above Men’s Double:
Champion: Riki Challam wa u Wanmi Dkhar
Runner-up: Polestar Niangti wa u Sunday Morning Tariang

Mixed Doubles:
Champion: Mebanker Shullai wa ka Emilanadaka Chyrmang
Runner-up: Deilangwa O Nongpluh wa ka Ribhalang Passah

35+ Men’s Single:
Champion: Dauru Laloo, Loomkyrwiang
Runners-up: Dr. Peterson Lamare, Chutwakhu

35+ Men’s Double:
Champion: Dr. Peterson Lamare wa u Mewothi Kyndiah
Runners-up: Dauru Laloo wa u Rimilan Passah

Share this:
Previous

Em kiwa dawa poisa hei pyrtuid ka KSU East Jaiñtia Hills

Next

Pynlait ki pulit yei Video wow burom ya ki kynthai wa em ha ka Meghalaya Police