Pynkut khaddooh ka Loomkyrwiang ya ka Baamphalar ha uni u snem

Jowai: Ka Baamphalar kamwa da yatiplang toh ka rukom dustur lehkmen lehsñiawbha wa chisien chisnem yong ki kattu katni tylli ki dong wa em ha chnong Jowai kiwa kynthup ya ka Panaliar, Dulong, Loompyrdi Iongpiah, Loomiongkjam, Tpep-pale, Chilliangraij wa ka Loomkyrwiang neitæ won ha kini ki kajiak snem ka kyntoit Umchayiar leh da pyndep ko ya kani ka rukom dustur.

Ha uni u snem ha Loomkyrwiang ya kani ka Baamphalar da pynman ha ka sngi Pyngkat 21 tarik wa ka sngi Thymblieñ 22 tarik u Naiynru deiwa em i lehke drama wa chimiet katwa ha ka sngi wabood won da em i baamdoh sñiawbha ha Yungwalieh iwa man ka luti wow pynyoo ka da ki sñiaw ya man iwi hapyrdi ki khon ka dong ka chnat.

Ya kani ka Baamphalar da wan wow wai da u A. Andrew Shullai, MDC, JHADC kam u kongsan hei emlang u Hamewan Laloo, Waheh chnong Loomkyrwiang, u Lammat-O Laloo, General Secretary, U Echwamitre Laloo, Bamphalar Secretary wa kiwi kiwa heh wasian ka dong.

U A. Andrew Shullai kam u kongsan hei e kyntien da yaroh u ya ki khon khynroo ka dong ka chnat kiwa ye u pynneh pynsah ya kani ka rukom dustur kawa ki warim nachwa da pynjooh sikai ki wei kawa pynyoo leh yei man kyrpang kani ka dustur hapoh ki dong ki chnat yong ka chnong Jowai. Chooh chooh leh kam uwa mihkhmat wa pait yei miat i bha ka imlang sahlang kular u wow yakreh lang waka dong ka chnat katwa joh i bor neibynta wow pynman ya ka Yungwalieh kawa janai.

Related posts

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

Kdar kyrpang chaphang ka Baamphalar ha ki por nachwa ha chnong Jowai katkam i parom ki waheh da ong wa nachwa ki kynthai ymjooh yachim bynta ki ha i lehke drama heiwa ka bynta yong ka kynthai leh da haap u pynriam kynthai da ki chynrang, lai ki por ki snem kiwa heh wa sian ka dong Loomkyrwiang ha uwi na ki snem yong ka Baamphalar da pynchlur ki leh ya ki khon kynthai ka dong wow chimbynta hei lehke drama kamtæ nadooh kitæ ki por ki khon kynthai ha kiwi ki dong ki chnat leh mih yachim bynta ki ha ki lehke drama.

Ka drama kawa da yoh ki paidbah u sakhi u yoo ha uni u snem yong ka Baamphalar ha Loomkyrwiang toh kawa pyrtuid ‘Tam ka Khwe Nan’ ka drama chutia danda wa da thoh da u Latmon Laloo wei ka parom yong ka nei stat kiwa chimbynta man sakhiat kawa ye u takaliaw yei man wei sñiaw yong ki lok ki jor wa wan sakhi ya kani ka drama.