Pynkut noh ka NGT yong ka ya ka mukotduma mooyong neiliang yong ka, daw chna ya ka Committee wa thymme

Jowai: Ka National Green Tribunal (NGT) ha ka hukum wa khaddooh wa pynmih ko ha ka 31-08-18 da ong ko wa u pteiñ hi yei khang yei rukom tih mooyong wa tip kam i “Rat-hole Mining” hapoh ka jylla Meghalaya kamjooh wow chalan yow mooyong wa dadep tih kat wym pynmih hukum ka Supreme Court da iwi tawon.

Ka NGT da e kti ko ya waroh u mooyong wa da dep tih cha ka sorkar iwa chong leh iwa ye u pynkylla katkam ka hukum ka Supreme Court wei lada em leh u mooyong wa dang dep tih uwa ympu em chim yukheiñ yei wow chim yukheiñ thymme.

Ka NGT leh da phah ko wow chna ya ka Committee wow khlieh da u Justice B.P. Katoki, u Judge warim ka Guwahati High Court deiwa emlang ki dkhot ka Central Pollution Control Board wa na School of Mines, Dhanbad ki wow pait yow pynbha pynmiat ya iwa chah ktah ka rymaw kamjooh ki paidbah na i tih mooyong.

U Chief Secretary ka Meghalaya won u e u ya i yarap ya kani ka Committee wow leh ko ya ki kaam yong ka wei kani ka Committee u chimkti ko nadooh ka ar tayaw wa pynmih ya kani ka hukum.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ka bui kani ka Committee u chong bichaar ya ka ha ka 06-03-19 wei kamtæ kani ka mukotduma ha ka NGT da kut ko.

Kamtæ kattu kani ka mukotduma da sah ko sa ha ka mukotduma wa da yaleh u Lber Laloo kawa tip kam ka Lber Laloo Vs. All Dimasa Students Union, Dima Hasao District Committee and Ors. heiwa hapoh kani ka mukotduma waroh kiwi ki mukotduma leh daw sooh lang ki hapoh kani kajooh ka mukotduma.