Baam smai u Conrad kam u MLA wa pura ha ka dorbar wa chiphaw ka jylla

Shillong: U Montri Rangbah ka jylla, u Conrad K Sangma ynne ka sngi da baam smai u kam u dkhot wa pura ha ka yung dorbar chna-aiñ wa chiphaw ka jylla hadien wa da jop ya ka election MLA chiteiñ samoi na South Tura constituency.

U Conrad da chim u ya ini i smai hadien wa da ieh noh yei man MP ynnin ka sngi ha nongbah Delhi.

Ya u Conrad da pynsmai da u Lamphang ka Yung dorbar, u Dr. Donkupar Roy ha yungkrehkaam ha Khyndelad wei da emlang ki montri ka sorkar jylla, kiwa kitkaam ki seiñ wa kynthup na ka NPP, UDP, HSPDP, PDF wa neiliang ka Congress da mihkhmat da u MLA ka Mawlai u P T Sawkmie.