Uwi uwa dang 19 snem i rta uwa na Chandrapur District ka Maharashtra da pynkut u yei mynsien u ha ka sngi wa toh u sdang yei lai puræ puræ Doctor u.
Uni u khynroo da tip kam u Anurag Anil Borkar, da ieh u leh ya ka chithi wa ong wa leh u yeini neidaw wym em kwah u wow man kam u Doctor.
U Anurag toh uwa chong wa sah ha Nawargaon, ha Sindewahi Taluka deilang wa ka bei wa u pa u wei da pyndep u ya ka NEET UG 2025 Exam deiwa yoh 99.99 Percentile heiwa da yoh u leh ya ka All India Rank wa 1475 ha ka OBC Category. Ha ka sngi wa pynkut u yei mynsien ha ka 23 tarik man ko leh ka sngi wa toh u lai u cha Gorakhpur, Uttar Pradesh hadien wa yoh Admission u ha AIIMS Gorakhpur hapoh ka OBC Quota.
Ha ka chithi wa da ieh u da ong u wym em kwah u wow lai puræ MBBS neibhah ki bru wa kreh Business leh i jooh yoh ki wei ym kwah u leh wow puræ Doctor san snem wei hadien won wow leh sa ka MD.
Yei metyap u da chem hei kamra u hei step heipor wa wan thooh ya oo yow lai puræ noh wei da suba wym neh chah de u yei chah pynbor lai puræ MBBS.
Ki jan yung u da pyntip ki wa u Anurag toh uwa stat bha wei ka payu kynthai u da man ko kam ka Class-12 District Topper ynnin u snem.
Discussion about this post