U bru wa 42 snem i rta uwa na Govindapuram, Kozhikode District ka Kerala da pynkut u yei mynsien u hadien wa poor i Vdeo wa chah riñ u hapoh ka Bus ha kawi ka kynthai kawa da pynbaad wa uni u bru da pynbi u yei doh i pran u wa ka deiwa leh chynnam.
Uni u bru wa tip kam u Deepak U, da chem wa pasi u ha yung wa sah u hei step ka 18 tarik uni u bnai.
Ki pulit da ong ki wa heipor 7:00 waje i step da lai kiwa ha-yung u yow choh dwar ha kamra u yow kyrsu thiah oo tangwa hadien wym em jubab u da tympra ya ka dwar heiwa da chem wa da sdien u ha u tylle.
Kiwa emyatoh u Deepak da ong ki wa oo toh uwa kreh ha kawi ka karkhana pynmih that wei da lai u cha Kannur ha ka 16 tarik neibynta i kaam wei ha kani ka jooh ka sngi kawi ka kynthai da riñ Video ko deiwa pynbaad wa tba khlemakor u ka.
Kani ka bru kawa man leh kam ka Influencer da booh ko ya ini i Video ha ki Social Media Account ko iwa pynyoo wa yieñ ki mar hajan hapoh ka Bus wa khynnia bru.
Ini i Video da poor bha i heiwa da em da ki lak ngut kiwa dadep pait ki heiwa da yoo bha leh yei dur u Deepak.
Ka bei wa u pa u Deepak da ong ki wym em de baam u la ar sngi hadien wa poor ini i Video.
Da ong ki wa u Deepak da joor ware chah dai sarom u wei oo ym em leh bakla u tangwa i poor ini i Video da ktah bha i ya oo.
Da chim rai ki leh wow ujor cha u Montri Rangbah yow dawa yei hok.
Kani ka Influencer hadien won da Delete ko ya ini i Video heiwa da pynmih won ko da iwi yow yada yeiwa da leh ko deiwa ong wa sdang ko u riñ Video hadien wa tba u ka dei thmu wa sih wei hadien wa yoo u yeiwa chah riñ Video, kamtæ da yut wei hiar noh u na kani ka Bus.
Neiliang ki pulit da pynman ki yei takit.
Discussion about this post