15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkylla biang ka sorkar yaki kyndon yong kitu kiwa liwan chapoh ka jylla

Advertisement ad1
Advertisement ad1

Ka chnat Health & Family Welfare ka sorkar Meghalaya ynne da pyntip ko wa da pynkylla da pynthymme yaki kyndon wow leh Test, Quarantine kamjooh yow pynlait ya kiwa da chait na u COVID-19 wei kini ki kyndon thymme toh neibynta kitu kiwa dang liwan chapoh ka jylla wei hap wow bood yaki thij.

Waroh kiwa liwan chapoh ka jylla hap wow Test yaki daka Rapid Antigen Test Kit ha ki Entry Point wei lada chem toh kiwa yoh ya u COVID-19, hap wow bood ya iwa toh u leh manda em kiwa yoh, wei daw Test biang ya ki hadien 10 sngi wa leh Quarantine deiwa leh daka RT-PCR/CBNAAT/TrueNat. Lada dang man hi ki kiwa dang chah ktah, u Test yaki man ka 2 sngi daka RT-PCR/CBNAAT/TrueNat. Lada man ki kiwa da chait hadien wa leh Test hadien 10 sngi ym emkaam de wow booddien.

Advertisement ad1

Lada hadien wa Test nyngkong heipor wa psiah chapoh ka jylla ym em chem wa yoh ki ya uni u khñiang kamjooh ym em ki yaki dak ki chin wa chitom, daw hap ki wow leh yaka Home Quarantine wa 10 sngi wei hadien 10 sngi leh ym em ki yaki dak ki chin wa chitom, ym emkaam de wow booddien.

Lada hadien wa Test nyngkong heipor wa psiah chapoh ka jylla ym em chem wa yoh ki ya uni u khñiang tangwa em ki yaki dak ki chin wa chitom, daw Test pyntikna won daka RT-PCR/CBNAAT/TrueNat wei lada chem wa yoh ki ya uni u khñiang, hap bood ya i jooh kamwa leh ya kitu kiwa yoh ya uni u khñiang. Lada hadien wa Test pyntikna da ka RT-PCR/CBNAAT/TrueNat da chem wa ym em yoh ki ya uni u khñiang, daw hap ki wow pyndep yaka Home Quarantine wa 10 sngi wei hadien ini ym em de ki yaki dak ki chin wa chitom ym emkaam de wow booddien.

Share this:
Previous

Da pynbna ya waroh ka Qualapatty Block-4 kam ka Containment Area

Next

Pynbna ka Sports Ministry yaka Khelo India State Centre of Excellence ha Meghalaya wa ha 5 tylli ki jylla