Pynkylla ka KHADC ya ka aiñ hadien wym chah de ka sorkar jylla wow e Labour License

Hadien wa ka sorkar jylla ym e laad de ko ya ka Khasi Hills Autonomous District Council (KHADC) wow e ya ki Labour License cha kiwa mylla wa wan na baar jylla, ka KHADC da pynkylla næ Amend noh ko ya ka aiñ Trading by Non-Tribal Regulations, Act, 1954 khnang wa kiwa mylla na baar jylla kiwa wan wow kreh hapoh u pood u ang yong ka KHADC wa toh u tipmit chwa da ka Council hachwa wow yoh ya ka Labour License na ka sorkar.

U Chief Executive Member (CEM) ka KHADC, u Titosstarwell Chyne, hawa jubab hapoh ka dorbar synrai ynne ka sngi da ong u wa ym em itæ hapoh ka Sixth Schedule ka kyndon wa e bor ya ka KHADC wow e ya ki Labour License cha kiwa mylla na baar jylla, tangwa neiliang ka Council da booh ko ya ki kyndon na ka Trading by Non-Tribal Regulations, Act, 1954 wow e ya ki Labour License.

Da pyntip u wa hadien wa ka sorkar da khang ko ya ka KHADC wow e ya ki Labour License, ka Council da pynkylla noh ko ya ka Trading by Non-Tribal Regulations, Act, 1954, khnang wa ki baar jylla kiwa wan kreh ha u pood u ang yong ka KHADC toh u yoh chwa yei tipmit na ka Council hachwa wow yoh ya ka License na ka sorkar jylla.

U Titos da pyntip u wa ka KHADC da dep phah ko yei pynkylla ha ka Trading by Non-Tribal Regulations, Act, 1954, cha u Lat ka jylla yow yoh ya ka muhor, hachwa wow pynkrehkaam noh ya ka.

Kam wow pynkynmoo wa u Symbood Montri Rangbah ka jylla, u Prestone Tynsong da dep u wow klam che wa ki District Council ym ye ki wow e ya ka Labour License neibhah wa toh i kamram yong ka sorkar jylla khamtam hadien wa ka sorkar da mynjur ko ya ka Meghalaya Identification, Registration (Safety & Security) of Migrant Workers Act, 2020.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Chwa ya ini hawa jubab yeiwa kylli wa wanrah da u Gabriel Wahlang uwa man u MDC ka Nongstoin, neiliang u Executive Member wa pait ya ka chnat Labour ha KHADC, u Victor Ranee da pyntip u wa ka sorkar jylla da khut ko ya ka yalang, heiwa da ong ko ya ka KHADC wa ym ye de wow e ya ki Labour License neibhah i e ya ki License toh i kaamram yong ka sorkar.

Hawa jubab chooh chooh yeiwa kylli, u Victor da pyntip u wa ini i wym ye de wow e ya ki Labour License ka KHADC da dooh nong da ki lak tyngka.