Neidaw wa ku kiwa yoh COVID-19 ha Meghalaya, neiliang ka State Bank of India (SBI) da pynbna ko wa nadooh ka 1 tarik uni u bnai hadooh ka 7 tarik uni hi u bnai, waroh ki chnat wa ki yung krehkaam yong ka hapoh Meghalaya u krehkaam ki nadooh 10:00 waje i step hadooh 2:00 waje i sngi.
Ki kaam wa daw leh toh du i thap wei sai poisa, i phah poisa wa ki kaam sorkar.
Ki kaam wa jhan u pdiang katkam wa pynbait da ki khlieh yong ki chnat ka Bank.
Daw pynduna leh yei boon ki bru wa psiah cha ki Bank wei daw sait dawai ya ka Bank man ka tayaw wa ar wa ka tayaw wa soo haka sngi Saturday lane Sunday.
Dawa chim leh katwon chit i doh i pran kiwa wan cha ka Bank, i pyrtuid ki, ki thaw sah wa ki Phone Number iwa ym hoi u dam u leh.
