Pynkylla ka sorkar ya ka kuna ki kari wym em FASTag

Kam chibynta wow pynchlur yow su da ka Digital Payment wei wow pynduna yei pynemkaam da ka poisa ha ki Toll Plaza, neiliang ka sorkar India da wanrah ko ki kyndon wa thymme ya kitu ki wym em pynemkaam FASTag hawa lai luti ha ki National Highway.

Katkam ki kyndon wa thymme, kawon kawon ka kari wa psiah lyngba ki Toll Plaza ki wym em FASTtag næ da u FASTag wa da sih, lada su ki da ka poisa daw ngat ki ka kuna kawa kam nachwa deiwa hap su ar chah tangwa lada su ki da ki UPI kam ka Gpay, PhonePe wa kiwi daw ngat ki ka kuna wa 1.25 chah ya i dor wa da booh.

Related posts

Kyrpaad ka HANM ya ka PNB wow booh ya ka kor ATM ha Ummulong

July 27, 2026

Yap uwa 18 snem wa kawa 17 snem kiwa chah tyrrah heipor wa lai luti da ka Scooty ha Golflink

July 27, 2026

Neiliang ka Ministry of Road Transport and Highways da pynbna ko yeini lyngba ka National Highways Fee (Determination of Rates and Collection) (Third Amendment) Rules, 2025, kawa daw krehkaam nadooh ka 15 tarik u November, 2025.

Ini mut i wa lada ka bai Toll man ko ₹100 ya kiwa em FASTag, kitu ki wym FASTag kiwa su da ka poisa daw hap ki wow su ₹200 tangwa lada su da ka UPI daw poi du ₹125 donhi.