Ynne ka sngi ki dkhot yong ki seiñ hapoh ka lama ka CoMSO da lai pynkynmoo ko ya u montri ka sorkar pyrdi wa pait ya ka Human Resources Development u Ramesh Pokhriyal Nishank uwa da wan yooh kjat ha NEHU wa ha NIT Shillong.
Ki dkhot ka CoMSO da rah ki da ki placard wa thoh ya ki kyntien wow dawa ILP, da rah nyngkong dooh toh ha NEHU wei da booddien won cha NIT Laitumkhrah.
Neiliang ki pulit da khang luti ki wei da chim noh ya ki placard wei da maham ki ki ya ki dkhot ka CoMSO.
Neiliang ka CoMSO da klam che ko wow pteiñ u pynkynmoo ya ki montri ka sorkar pyrdi hajrong i dawa ILP ka jylla Meghalaya.
Da ong ko leh wa ym pyrchah ko yei roi i paar tangwa kwah ko wa ki montri ka sorkar u rah ki ya kani ka wyrta cha u montri rangbahdooh wa u montri ka kaam pohyung ka ri hajrong kani ka kaam.
Discussion about this post