Pynkynmoo ka niam Unitarian ya ki kaam pyrchah ya ki kynthai ha ka yaseiñbah

Shillong : Ka yaseiñbah wa 117 yong ka niam Unitarian da pynman ha ka balang Unitarian Mawblang, Raid Kyrdem ynnin ka 5 tarik. Ha kani ka yaseiñbah da khutlang ya ki para wa ngait niam wow kynmoo biang ya ka yurim wa seiñ ya ka niam wei wow pynthymme ya ki luti iwa sikai ka niam.

Ha kani ka sngi leh da man kam chibynta i dap 50 snem yong ka balang Unitarian ha Mawblang, Ri Bhoi District kawa sdang nadooh ka 4 tarik wei da wan sakhi lang da ki dkhot ka niam na ri-loom Jaiñtia, Khasi wa na Karbi Anglong.

Ka phang kani ka yaseiñbah toh ‘Balang ba im nanglam khubor’ heiwa u Rev. Nangroi Suting da pynkynmoo u ya ka gospel kawa khutlang ya waroh u im ki kam ki bru wa hok, wa khooid, wa bha yow wanrah yei suk hapoh ka pyrthai.

U Rev. H.H. Mohrmen hei klam yong oo da pynkynmoo u ya ka khubor wa bha ‘Evangelion’ yong kani ka balang kawa toh ka khubor i maya, i yatylli yow man kam iwi para jaitbru. Da ong u leh wa em du uwi don hi u blai, waroh man i chi payu, kawi ka yung hapoh pyrthai wei i maya toh i wow pyn yatylli ya waroh.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U ma Rupaia Lamar won ha ka khubor maya yong oo da khutlang u ya waroh yow leh ki ya ki kaam wa bha neibhah ka spah ka burom ym ye ko u pynyait yei yap. Toh du i kaam wa bha donhi wa ye u e mynsien yow jop ya ki kaam wa sih waroh, neibhah manda khlaad i na ka pyrthai du ki kaam wa bha yong i ka wow neh yanom.

Ha kani ka yaseiñbah leh da klam chaphang ki kaam wa leh pyrchah ya ki kynthai kiwa da roi katwa dang lai ki sngi khamtam ya ki khynnah kynthai hapoh ka jylla heiwa u Rev. Derrick Pariat da pynkynmoo u wa ki seiñ kynthai kiwa da lai ki na ka wi cha ka wi ka balang yow klam u khana ki ya ini waroh lyngba ka ‘White Ribbon’ Campaign.

Kamtæ da pynkynmoo u ya ki khynroo wow burom ki ya ki kynthai nadooh ki khynnah hadooh ki waheh neibhah ki man ki, ki diah ki payu kamjooh ki bei yong i waroh. Lada i maya synchaar ko ya i, i chah lehbeiñ leh daw wiar i.

Ha kani ka sngi leh na ki balang kam ka Jowai, Madan Laban, Mawblang wa Mawlat da e ki ya ki rwai yaroh wa kyrpang yong ki.