Ampati : U Chief Minister ka jylla u Dr. Mukul Sangma ynne ka sngi da wai paidbah u ya ar tylli ki yingkieñ doidoi (footbridge) hajrong ka wah Daru hajan Ampati hei emlang u W.D. Sangma, u MDC ka Betasing u Nripen Koch, u Deputy Commissioner ka district u C.V.D. Diengdoh, Superintendent of Police u Ramesh Singh, wa kiwi kiwi.
I chna ya ka yingkieñ kawa jrong 110 metre ha Anangpara, wa kawi kawa 80 metre ha Menggongpara, da chna hapoh ka Social Infrastructure Development Fund (SIDF) 2012-2013 lyngba ka Union Ministry of DoNER wei da ye u pyndep ya ki du hapoh 6 bnai.
I em kini ki yingkieñ da pyntbian ki yei jngai da kamwa 14 km na iwa jooh lai luti ki paidbah kini ki chnong.
U Mukul hei klam da pynsñiaw u yei mynsien wa kmen wa da ye u wanrah ya kini ki yingkieñ wei da ong u wa dang em chooh kam kini ki jait kreh ya kiwa daw wai ha kini ki bnai wow wan neibynta ki paidbah.
Da e khublei u leh ya u President ka ri u Pranab Mukherjee, neibhah wa heipor wa man Union Finance Minister u da pyllait u ya kani ka scheme SIDF lyngba ka DoNER.
Discussion about this post