Jowai: Ka Seiñraij Jowai ynne hapoh i yahkhmat u President yong ka, u O.R. Challam wa u General Secretary ka seiñ, u Arwotki Sumer da pyntip ki wa kam chibynta wow yarap kylliang chaan kylliang ya ki bru ha kam ini i por wa khang chnong, neiliang ka Executive Committee ka seiñ hadien wa chong pyrkhat da rai wow pynlait bai yung wai ya waroh ki bru wa chong kamai ha ki dukan ka seiñ kiwa em hapoh ka Raij Jowai, wei kini kynthup ki nadooh kiwa khian hadooh kiwa heh.
Ini i pynlait bai yung wai toh nadooh u bnai wa sdang ka Lockdown deiwa pyrkhat leh wa ka poisa wa toh u su bai yung daw ye ki wow pyndap yeiwa emkaam ha yung, neibhha ki leh ymye ki wow khih u kreh neidaw wa em kani ka khang chnong.
Neiliang u President ka Seiñ, u O.R. Challam da kyntu u leh ya kiwi kiwa e wai ya ki dukan wow maap ya kiwa chongdai na ka bai dukan kam ha kini ki por.
Heiyatoh won wa ki bru wa pait ya ka paikhana paidbah (Public Toilet) wa em ha ki thaw ka Raij ha Iawmusiang, neiliang u Arwotki Sumer uwa man u General Secretary ka seiñ da ong u wa ye wow pynyinsur yei por wa da dooh myntoi ki neidaw wa krehkaam ka lockdown.
Da pyntip chooh chooh wa ya ini waroh daw yaklam pynbait won hadien katkam wa yah i por.
Discussion about this post