U Dr. WR Kharlukhi, MP deiwa ya emlang wa u Vincent H Pala, MP da pynlait paidbah ki ynne ka sngi ya ka kot (Magazine) kawa chaphang i krehkaam yong ka chnong Moolamylliang kawa da e pyrtuid “Pristine Picturesque.”
Kani ka Magazine toh kawa ye u man kam ka nongmuna kawa bha yow wanrah yei kylla ya kiwi won ki chnong lada smat ki wow kreh chitom hawa yatoh wa i pynkrehkaam hok ya ki Scheme sorkar, i sumaar ya ki symbe dieñ wa da dep thung, i pynman ya ki yalang pynsñiawthooh wa kiwi ki kaam kiwa ye wow wanrah yei khooid i suba yong ka chnong.
Neiliang u Dr. WR Kharlukhi hawa e yei klam, da pyntip wa da jied (Adopt) ya kani ka chnong yow man ko kam ka Model Village hapoh East Jaiñtia Hills.
Ya kani ka Magazine daw dai paidbah ha ka Christmas heiwa ka Dorbar Chnong da pynkhreh ko wow pynphooh pynphieñ da ka Christmas Light Extravaganza ha uni u snem.
Ha kani ka sngi da emlang u E. Kharmalki, IAS, DC East Jaiñtia Hills, u SS Syiemlieh, MCS ADC, Khliehriat, u Jagpal Singh Dhanoa, IPS Superintendent of Police, Khliehriat, u RS Lyngdoh, MDC, u JW Dkhar, Professor NEHU Shillong, u Seibor Shadap, MDC, u Rtn SK Lato, President Rotary Club Jowai wa kiwi kiwi de.
