Uwa yahkhmat ka BJP ha Meghalaya uwa man leh u MLA ka Pynthorumkhrah, u Alexander Laloo Hek da ong u wa toh i mon yong ki paidbah wow jied ya kawon kawon ka Party ha i por Election, wei i ong u Hek toh hajrong i maham ka Hynniewtrep National Liberation Council (HNLC) wa ym toh wow Vote ya ka NPP ha ka Election chiteiñ samoi kawa daw man ha ka 30 tarik uni u bnai.
U AL Hek uwa man leh u Montri warim ha ka sorkar MDA uwa da chimkhia wow wanrah ya ka HNLC cha i yaklam yasuk, da ong u wa katni leh kwah u wow em i yaklam wei smat u wow man kam u ksiang lane uwa yahkhmat cha i yasuk ya ki dkhot ka HNLC wa kiwa yahkhmat ha Delhi.
Hawa kylli, da ong u wa kam uwa yahkhmat da kwah u wa waroh u em hei chong suk, chong chngaaiñ, wei kamjooh ya ki dkhot ka HNLC wow wan uiñ ki cha ka luti kawa bait.
U Hek uwa da chah thung leh kam u dkhot ha ka National Executive Committee yong ka BJP, da ong u wa ini i chah thung dkhot da man ko ka thaw wa biang dooh wow yaklam leh ya ki phang ka jylla ha Delhi.
Uwa yahkhmat ka BJP da ong u leh wa kam uwi na kiwa chong chnong ka jylla, kwah u wa ka Meghalaya u man ko ka jylla kawa lait na ki kaam kiwa rah tiar yaleh wa kawa lait nei sñiaw yaphær jaitbru.