Jowai: Ka Congress da pynlait ko ya ka Congress Manifesto Lok Sabha Elections 2019 kawa em 15 tylli phang krehkaam kawa da kular da u Rahul Gandhi wa ym jooh tyngkheiñ u ya iwa da kular u.
Iwa da kular ka Congress ha kini ki sngi toh wow wanrah ya ka Nyuntam Aay Yojana (NYAY) kawa kular wow e T. 72,000 chi snem cha ki 20% ki manyung wa dooh hapoh ka ri wei ya ka poisa u e cha ka manbei ka yung katwa ye.
Da kular leh wow pynmih hadooh 34 Lak i kreh sorkar kamjooh ha ki kaam wa sdang da ki bru samen
Ya ki warep, ka Congress kular ko wow pynduna yeiwa lutphut ki, u rap pynyoh ram ya ki wei wow booh leh ya ka National Commission on Agricultural Development and Planning wa pura.
Heiyatoh wa i chait i khiah daw pynkrehkaam ya ka aiñ Right to Healthcare ka wow e ya i summar mynkna nadooh wow yachem wa ki Doctor, ki dawai, i thiah Hospital wei wow pynlut hadooh 3% ka GDP 2023-24 neibynta ka chait ka khiah.
U pynkylla yei rukom krehkaam ka GST yow suk i rukom su wei ka nong wa yoh naka daw e bynta leh cha ki Panchayat wa ki Municipal.
U pynlut boon ka poisa neibynta ki chipai yow yatoh kyrdan ki wa kiwi ki ri.
Ka Congress da kular ko leh wa ka puræ puthi nadooh Class I hadooh Class XII u man mynkna ko wei u pynlut hadooh 6% ka GDP 2023-24 neibynta ini.
Kiwi de ki kular kynthup wow chimkhia ya ka rymaw, u yada yei laitlooid ki tre ri, u yada ya kiwa khian paaid wa kiwi kiwi de.
Discussion about this post