Daw pynman ka AIFF ya ka trial yow jied cha ka Indian National Team ya ki chynrang wa kynthai

by Wyrta Staff

April 3, 2019

Reading Time: 2 mins read

Jowai: Ka Meghalaya Football Association (MFA) da pynbna ko wa daw yarap ko wow pynman ya ka National Teams Trials kawa daw pynman da ka All India Football Federation ha 3rd Ground, Polo haka 5, 6 wa 7 tarik uni u bnai.

Kani ka National Teams Trials toh neibynta ki chynrang wa ki kynthai wei kaktkam ki kyndon ka AIFF:

Ki chynrang toh kiwa kha ha u snem 2003-2004.
Ki kynthai toh kiwa kha ha u snem 2002-2005
I por pynman heipor step toh nadooh 8:00 am-11:00 am, i janmiet 03:00 pm -06:00 pm
Ya ki chynrang u pynman 5th April (step wa janmiet) wa haka 6th April (hei step)
Ya ki kynthai u pynman haka 6th April (heipor janmiet) wa haka 7th April (step wa janmiet)
Waroh kiwa wan chimbynta toh u em ki ha ka step ka 5th April, wei kiwa wan hadien ini ym pdiang de ya ki.

Ki School, Associations wa ki Club da kyrpaad ya ki wow jied ki 5 ngut ki khynnah wa yoobiang dooh ki wei u wanrah lang ki ya ki 1) Original School Photo ID (compulsory); 2) Original wa Copy ka Birth Certificate (compulsory); 3) Original Aadhar (optional).

Ya ka yutip wa rap bniah ye u phone ha u Arki Nongrum, CEO Meghalaya Football Association ha u number +91 9774890179 lane deiwa email [email protected].