Ka Indian Air Force da lai pynlait ko ya ki 132 ngut ki National Cadet Corps (NCC) Cadet wa sahkut ha Imphal hadien wa chimbynta ha ka Air Wing NCC Camp ha ka 20 tarik uni u bnai.
Ka IAF da sdang ki wow pynlait ya ki ha ka 23 tarik khnang wow chngaaiñ ki khynnah.
Kini ki Cadet toh kiwa na Jorhat wa Guwahati, Assam wei ym ye ki wow liwan yung neidaw wa em i khang sarok nei awri ha Manipur.
Na kini waroh, 60 ngut toh kiwa na Jorhat katwa 72 ngut won na Guwahati.
Heini da pynemkaam ya le tylli ki lieñsuiñ AN-32 Transport Aircraft wow kit ya waroh 132 ngut ki na Imphal.
Yeini i leh ka Indian Air Force da yoh yaroh bha ki na ki Cadet kamjooh na kiwa ha-yung ki.
Discussion about this post