Ynne ka sngi ki pulit ka jylla namo ka Meghalaya Police da pynlait ko ya i Video yong i sur rwai wa tip pyrtuid ‘Stand By Me & Lean on Me’ kam ka dak wow lehwarom ya ka sngi laitlooid wa 75 ka ri wei wow ekhublei wei wow lehwarom ya kiwa embynta haphrang dooh wow yakhun pyrchah ya ka khlam COVID-19.
Ya ini i video da chna da i yahkhmat u Lakador Syiem uwa man kam u Commandant ka 6th Batallion ka MLP, Umran, Ri-Bhoi District.
Hawa yaklam wa u Lakador da ong u wa ini man i kam chibynta yong i kreh ka chnat yeiwa da sdang nadooh u snem wa dadep (2020) heipor wa man u kam u SP ka West Jaiñtia Hills wei ha kani ka kynti ya i Video da chna kam chibynta wow lehkmen ya i dap 75 snem ka ri wei wow e khublei ya kiwa haphrang dooh wow yakhun ya ka khlam COVID-19 heiwa katni da emkaam wow laitlooid noh na kani ka khlam.
Hadien wa pynmih ya ini i Video da ekhublei u ya ki sahep MPS yong u snem 2004 (Batch) khamtam ya u SP ka West Jaiñtia Hills, u Bikram D Marak; u SP ka North Garo Hills u Abraham D Sangma, u Commandant ka 2nd Batallion ka MLP, Goeragre, West Garo Hills u Stephen A Rynjah khamtam ya ka DC ka Ri Bhoi District, ka RM Kurbah wa kiwi ki sahep wa ki pulit kiwa ymye u khoh pyrtuid.
Ya ini i sur da rwai da ki pulit wa kynthup ya kini hawah:
Ibanri Syngkli
Rakran Ch Marak
Selbin K Sangma
Wilynder Khonglam
Backing Vocals: Police Personnel of 6th BN HQs, MLP, Umran
Instructors and 3rd Batch Recruit Constables Armed Police Training Centre 6th BN, MLP, Umran
Ya ini i sur ye phi u pait heini hawah:
