Ka sorkar pyrdi da pynlait ko hadooh Rs 1,634.62 klur ka Subsidy hapoh ka PM E-DRIVE Scheme hadooh ka 23 tarik u November uni u snem wei ya ini da pyntip ha Lok Sabha ynnin ka sngi da u Minister of State for Heavy Industries, u Bhupathiraju Srinivasa Varma.
Da pyntip u wa da booh bhah Rs. 500 klur hapoh ka PM E-DRIVE Scheme neibynta ki e-Ambulance wei i yaklam pynbait heiyatoh wa ki kyndon (Guidelines) dang lai i chaphrang neibynya ki e-Ambulance.
Chooh chooh da ong u wa ya kani ka Scheme u pynkrehkaam hadooh ka 31 tarik u March 2028 ya ki e-Ambulance.
U Verma da pyntip u leh wa lyngba ka PM E-DRIVE Scheme, da booh bhah Rs 2,000 klur wow booh ya ki thaw charge kari (Electric Vehicles’ Public Charging Infrastructure) heiwa hadooh ka 23 tarik u November uni u snem ympu em u pynlait ya ka poisa neibynta ini.
Da ong u leh wa hapoh ka PM E-DRIVE Scheme da em 1,500 tylli ki e-Bus wa da booh bhah ya ka Mumbai, neitæ 2,800 tylli ya ka Delhi wa 1,000 tylli ya ka Pune.
Discussion about this post