U Montri Rangbah ka jylla, u Conrad K. Sangma ynne da kaweh lama u yow pynlait ya 84 tylli ki Bus thymme wa kynthup ya 55 tylli ki Electric Bus hapoh ka PM eBus Sewa Scheme, ha ka yalang wa da pynman ha yung dorbar wa tymme ka jylla ha Mawdiangdiang.
Kini ki Bus man ki leh kam chibynta wow pyntipmit paidbah ya “Ka Bos Jong Ngi” hapoh ka Urban Affairs Department.
Kini ki Bus thymme toh kiwa em leh ya ka Air-Conditioning, ki Mobile Charging Points, ka Real-Time Tracking System, ki e-Ticketing yow pynsuk yei lai i wan wei chngaaiñ ki paidbah.
Kam chibynta wow pyrchang ya kini ki Bus, da lai na u sarok IIM Shillong–Upper Shillong, wei daw krehkaam ki nadooh 7:00 waje i step hadooh 9:00 waje i miet. Deiwa em kini daw yooluti wow pynksuk yei lai i wan hapoh sor deiwa man iwa khooid klem ktah ya ka la’ær.
Ha kani ka sngi da e kti leh ya ki 7 tylli ki Food Cart cha kiwa yoh myntoi hapoh ka Van Dhan Vikas Kendra (VDVK).
Discussion about this post