Pynlait ka Sri Lanka ya 208 ngut ki chipai ka Iran Navy na ka jhaad IRIS Bushehr

Ka Sri Lanka Navy ynne da pynlait ko ya 208 ngut ki chipai naka jhaad ka Iran Navy wa tip kam ka IRIS Bushehr heiwa daw yah ya ki cha Colombo Port, ini wan i hadien wa siat wei pynngam ka Submarine ka USA ya ka jhaad IRIS Dena hajan Sri Lanka

U Spokesperson ka Sri Lanka Navy, u Media Commander Buddhika Samapath da ong u ya kini ki 208 ngut da yah cha Colombo.

Chooh chooh da khana u wa ya ka IRIS Bushehr daw yah ya ka cha Trincomalee Port myntu ka sngi.

Kani ka jhaad da paan bor ko ha ka 4 tarik wow sangeh ha kawi ka Port ka Sri Lanka hadien wa sih kawi ka Engine ko wei da chah wow lai ko ha kawi ka Port wa em hapoh ka ri hadien boon kynta i yaklam.

Related posts

Da wai ya ka Digital Learning Centre ha District Library Jowai wei sdang leh yaka Book Fair wa ar sngi

March 6, 2026

Yoh ka chnong Jowai ya ka Digital Learning Centre ka wow yarap leh ya kiwa yakhun IAS

March 6, 2026

Hapoh kani ka IRIS Bushehr da em 53 ngut ki Officer, 84 ngut ki Cadet Officer, 48 ngut ki Senior Sailor wa 23 ngut ki Sailor.

Ya kani ka jhaad da chah wow psiah hapoh i pait ka Sri Lanka, wei u President ka Sri Lanka, u Anura Kumara Dissanayake da ong u wa da rai wow leh yeini toh nei paan yarap ki chipai Iran wei ini man i katkam i sñiaw para bru.

Ka Sri Lanka da ong ko leh wym bien ko u jied liang cheiwon u yachah ha kani ka thma wa kattæ.

Ki jhaad ka Iran Navy da em kamwa 20 tylli kiwa da chah siat tympra nadooh wa sdang i dat Bomb ka Israel waka US heiwa ka IRIS Dena kawa chah siat toh heipor wa em jgnai na Iran ha ka Indian Ocean hajan ka Sri Lanka wei kiwa lait im da em ki du 32 ngut donhi na kamwa 180 ngut kiwa em hapoh wei ya kini leh da lait e yarap da ka Sri Lanka hi.