Uwi u bru wa em 35 snem i rta uwa chitom hei bor pyrkhat pyrdaiñ uwa tip kam u Arnikstar Rytathiang da pynlait ya oo da ki pulit ka Special Operation Team (SOT) na ki bru ka chnong Kynroh Nongbri, hei miet ka 13 tarik hadien wa chah pynbaad u wa man u kam u chohnoh.
Katkam wa pyntip u SP ka East Khasi Hills, ki paidbah da kwah ki wow pynyap ya uni bru tangwa uni u bru toh uwa chah sumaar ha MIMHANS heiwa ki paidbah da suba ki toh u chohnoh.
Heipor kamwa 9:00 waje i miet, u Sordar ka Krang Nongrum da pyntip u cha ki pulit wa em u bru wa uiñ chawah chaneiñ ha ki bynta wa em ka Kynroh Nongbri Community Hall.
Kamtæ da phah ya ki pulit ka Sohiong Police Outpost yow lai cha kani ka thaw wei da chem ya uni u bru uwa na chnong Rio Mawthlong ka Eastern West Khasi Hills District wa chah ksoh u hapoh ka Community Hall hei pait ki waheh ka chnong wa u Sordar ka chnong Umthlong katwa ha lait won da em ki bru kiwa da yalang wei kawang moo kiwa da kwah wow dat wow bom ya uni u bru.
Ki pulit da ye ki wow sai ya uni u bru wa chah pynbaad chohnoh wei da phah liwan ki ya ki bru wei da kit ya oo cha Sohiong CHC yow yoh yei sumaar heiwa da mynsoo u malu mala.
Yeini wa jia da takit da ki pulit ka Mawngap Police Station yow ye u leh yeiwa emkaam katkam ka aiñ.
Discussion about this post