Pynlait ki pulit ya uwi wa suba dai drug naki paidbah

Jowai: U Ialamlad Kharkongor, MPS, I/c SDPO Dadenggre (WGH) da ujor FIR u wa haka 9 tarik uni u bnai heipor 8 waje i miet, u Akram Zaman, VDP Secretary ka chnong Rajpur (WGH) da pyntip u wa em uwi u bru wa ym tipmit da kset ya oo neidaw wa kwah ki paidbah wow dat u bom oo.

Ki pulit da lai ki wut wut cha kani ka chnong wei manda poi ki da chem wa em kamwa 150-200 ngut ki bru wa da ker soodong ya uni u bru kiwa da khang laad leh ya ki pulit wow rah ya uni u bru hadooh wa ki pulit da thap ki wow pynemkaam da ki lathi yow tympra yaki paidbah yow ye u pynlait ya uni u bru.

Ki pulit da kem ki leh ya ar tylli ki thuk thuk wa em ya u number ML-08E-8847 wa ML-08E-8862 wa kawi ka Maruti Wagon-R wa em ya u number AS-01P-5199 na ini i thaw wa jia.

Related posts

Napoh khloo yoh kem ki pulit ya uwa da chah pynngat ha kiwa boon ki kyndon aiñ

January 29, 2026

Chah kem kiwa dat wei tooh ya ki Mobile Phone ki bru

January 28, 2026

Hadien ini da chem wa u Nur Abdus Alom na chnong New Farttapara, South Salmara, Assam da chem wa da chah pynbaad u ha ki kattu katni ki bru wa oo toh uwa dai drugs wei manda thooh ki pulit na ini i thaw wa u Nur Abdus Alom da tler ka thuk thuk u da chem ya iwi i yusong wa em ki dawa kuli rong soo wa suba toh i drug YW. Ki pulit dang pynman ki yaka takit.

Ha iwi tawon i jia, haka 10 tarik, ki pulit da kem ki ya u Rintu Ghanashyam na yung wa sah u ha Nongrim Hills Pdengshnong, Shillong wei da chem 58.78 Gram i lakhit wa suba toh i drug Heroin na oo.