15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ki kaam tooh ha kylleiñ ka jylla

0 Comments

Jowai: U Gulap Hussain da ujor u wa haka 7 tarik uni u bnai heipor 6 waje i step da em ki bru wa psiah tooh ha i yung u wa em ha chnong Malikona (SGH) wei da tooh ki T. 50,000, ki sahkti ksiar, ki mobile phone wa kiwi kiwi ki tiar wa chongdor T. 2,47,900.

Haka 9 tarik da em kiwa tooh na ki ar tylli ki dukan ki yong u Donbokson Lyngkhoi wa u Tebarsing Lyngkhoi wa kawi ka dukan dai cha ka K.L. Marshillong ha Mawkyrwat (SWKH) heiwa kiwa tooh da ra ki yaka ki sula wa ki mobile phone.

Haka jooh ka sngi, ka Ujjala Paul da ujor ko wa heipor 7:20 i miet, ka waka diah ko heipor wa dang liwan ki cha yung da em kiwa tooh yaki mobile phone ki na kti ki ha Hari Sabha, Laban, Shillong.

Haka jooh ka miet da em wa tooh 24 tylli ki Generator Battery na All Saint’s School, Shillong.

U Sourav Das uwa kreh haka Vishal Mega Mart, Shillong da ujor u wa haka 6 tarik da em wa tooh ya 17 tylli ki Cpper Pipes kiwa chong dor T. 3,50,000 kiwa toh u pynemkaam neibynta ki kor Air Conditioner.

Haka chi tarik won, u Colonel Jodhvir Singh ka HQ Recruiting Zone (NE States) da ujor u wa em wa tooh yaka mobile phone u na Vishal Mega Mart, Shillong.

U Dhiraj Basnet na Upper Mawprem, Shillong da ujor u wa haka 13 tarik da em wa tooh ka ka muna u wa em yaka poisa wa T. 1,50,000, ka mobile phone, ATM Card wa EPIC na Mawprem, Shillong.

Haka jooh hi ka sngi, u Kripal Roy da ujor u wa heipor 8 waje i miet, 5 ngut ki bru wa ym tipmit u wa kynthup ya 2 ngut ki kynthai da dat wei da lute ki oo ha Oakland Road, Shillong wei da tooh ki yaka mobile phone u waka poisa wa T. 1500.

U Bojen Marak da ujor u wa haka 11 tarik da em 4-5 ngut ki bru wa da kdoh yei ktein u wei da tymmoh ki da ka that ya i khmat u ha chnong Asiragre, EGH wei da tooh ki yaka poisa waT. 2,600 na oo wa kawi ka mobile phone. Hadien ini uwa ujor da tipmit u ya uwi u bru wa tip kam u Ismail.

Previous
Next

0 Comments

Leave a Reply