Pynlait ki pulit yei khonboo nei thmu wow chah kñia ha ki chi kurim

Deiwa em wa Phone heipor wa biang ha u Child Helpline (1098) hei step ka 3 tarik, da ye ki bor ka aiñ wow lai pynlait ya iwi i khonboo na chnong Sulibele iwa jngai kamwa 50Km na Bengaluru.

Ini i khonboo toh iwa dang 8 bnai donhi wei da lai ki pulit cha ka Janata Colony heiwa da chem yei yung wa sah ki chi kurim kiwa da kam wa toh ka bei wa u pa ini i khonboo.

Katkam wa pyntip ki pulit, ki bru ka District Child Protection da lai ki cha ini i thaw hadien wa em u bru wym tipmit uwa da Phone heipor 10:40 i step uwa da khana wa em kiwa mut wow kñia ya i khonboo yow chem yei ksiar i rupa wa da murieh chapoh khyndaw wei da mut ki wow leh yeini ha ka sngi wa dap bnai (Full Moon Day).

Ka District Child Protection Officer, ka Anita Lakshmi da pyntip ko wa nyngkong da chem chitom wow chem yeini i thaw neidaw wa uwa pyntip leh ym ye u wow khana deiwa che tangwa kattæ leh dang chem yeini i yung.

Manda psiah ki chapoh ini i yung da chem yei thlu wa dang dep tih iwa jrong 2.5ft la 2ft wei manda kylli na kini ki chi kurim ym ye ki wow khana deiwa che, manda kylli cheiwon ieh ki ya ini i khonboo da ong wa em i wa kiwa emyatoh ki tangwa da pylla won kammon wow ieh ki yei khonboo wa dang 8 bnai hawa ki leh em ki ha yung.

Manda poi ki pulit ka Sulibele da yarap wow thooh ya ini i khonboo heiwa kini ki chi kurim da Phone ki cha kiwa jan yung ki kiwa da wanrah ya ini i khonboo wei da kit ki wut-wut cha ka Rehabilitation Centre heiwa da chem wa man i iwa chait wa khiah.

Hei takit ki pulit da chem wa ini i khonboo ymtoh i khon kini ki chi kurim tangwa da chim ki yow ri ki na kawi ka bru wa kreh mylla khlem da bood katkam ka aiñ tangwa ym pu chem ya ka bei tre ini i khonboo.

Related posts

Daw pynman ya ka dorbar wa chiphaw ka Seiñ Kur Sutong-Pala 12 Khrong Khasi Jaiñtia

January 7, 2026

Da Register Case ki pulit heiyatoh wa i yap uwi nei pdung Dynamite

January 7, 2026

Kini ki chi kurim kiwa ri ya ini i khonboo toh kiwa chongdai ha yaaw Subilee tangwa da kyntait ki wa em ki i thmu wow kñia ya ini i khonboo tangwa ki pulit da ong ki wym ye ki wow pynche yei daw wa tih ya ini i thlu.

Hadien wa booh ya ka ujor da ka District Child Protection Committee, ki pulit da Register ki ya ka Case hapoh ka Karnataka Prevention & Eradication of Inhuman Evil Practices & Black Magic Act, 2017 deilang kiwi ki kyndon ka aiñ yada khynnah wei ka takit dang lai ko chakhmat.