Ka Dorbar Chnong Pasyih da pynlait paidbah ko ya ki Ticket khle nasib neibynta ka Lucky Draw yong ka chnong haka yalang kawa da pynman ynne ha yung Club Lumpyrdi Pasyih.
Ya ka yalang da pynlai da u Assistant Waheh Chnong uwa man leh kam u Chairman yong ka Fete Committee, u Rinaldo Dkhar deiwa emlang u Secretary yong ka Fete Committee, u Ram Dkhar, u Waheh Chnong ka Pasyih, u Lakhon Dkhar, u General Secretary, u Kyrshanmiki Siangshai, u waheh chnong warim, u Justine Phawa chirup wa u Phaibiang Shylla, ki SHG, ki Village Organisation yong ka chnong wa kiwi de ki waheh wasian ka chnong.
Ha kani ka yalang, u MDC ka 17-Jowai North Constituency, u Brightstar Chyrmang da man u kongsan heiwa da ong u ya kiwa chong chnong kamjooh ki waheh wasian wa emkaam bha u kreh chitom yow man ka Fete kawa yoh nong khnang yow u ye chooh chooh u chakri ya ki kaam yong ka chnong deiwa rap bha.
Da kyrpaad lang u ya ki paidbah wow yarap thied ya kini ki Ticket Lucky Draw.
Neiliang ka Dorbar Chnong Pasyih leh da kyrpaad joor ko ya phi ki lok kiwa najan najngai wow sñiawbha phi u yarap thied ya kini ki Ticket Lucky Draw ka chnong.
Ki Prize man ki kamni:
1st Prize- Rs. 1,00,000 (Chilak tangka)
2nd Prize- Rs. 50,000 (Sanphaw hajar tangka)
3rd Prize- Rs. 30,000 (Lephaw hajar tangka)
Em leh 3 tylli ki Consolation Prize kiwa Rs. 2000 kawi.
I dor yong ka Ticket Lucky Draw toh Rs. 20 chi sla wa 200 chi Book.
Ya kini ki Ticket daw pynkhle haka 14-12-2023.
Discussion about this post