Pynlait paidbah ka Frank Motors ya ka Tata Sierra 2.0 yow pynim biang ya kani ka kari wa bna naam  

Ka Frank Motors haka 6 tarik ka pynbna ko wa da pynlait paidbah ya ka Tata Sierra 2.0 wa thymme kam wow pynkhai im biang yeini i pyrtuid wa da man kam ka Icon wa da maya ki paidbah da palat 30 snem.

Kani ka Sierra wa thymme da wanrah ya ka ha ka Design wa miat wa thymme kawa yahaap wei por wa katni deiwa emlang ki stat Technology kiwa katkam ka juk wa katni deilang ki laad yada yow chngaaiñ ka lai ka wan.

Da booh ya ka Sierra 2.0 wow em ha ka kyrdan wa thymme hawa dai ka kawa tip kam ka Premium Mid-SUV.

Ka kari man ko kawa heh i thaw chong hapoh, kawa biang lut iwa emkaam ki bru hawa lai luti khamtam manda lai jngai.

Kani ka Tata Sierra toh kawa da yoh leh ya ka Red Dot Design Award, iwa da pynskem yei man kyrpang yong ka.

Related posts

Sñiawsih ki Montri wa em pyn da ki MDC JHADC wa kylli ki jaitbru yi, hajrong i klam pynche yei wiar ki Jaiñtia

March 4, 2026

Dawa ka GSU wow em ka Electoral Roll wa kyrpang kiwa thap Vote ha ka Election MDC

March 4, 2026

Ya kani ka Sierra 2.0 ye wow Book wei wow wan pait ki paidbah ha Showroom yong ka Frank Motors wei i dor wow dai u sdang hei dor wa Rs. 11.49 lak.

Ha kani ka sngi da emlang u Ashish Ranjan, Chief Manager ka SBI Laitumkhrah Branch kam u kongsan, wei da yoh ya ki kyntien wai phang na u Siddartha Sarmah uwa man kam u Regional Sales Manager ka Tata Motors, North East Region deiwa emlang ka General Manager, ka Marbiangdor Lyngdoh, u Sales Coach, u Graham Pajat wa u Dealer Proprietor, u Indonlang Passah.