Ka Kur Soo Kpoh Khadar Wyrnai, Jowai ynne ka sngi da pynlait paidbah ko ya ki Ticket Lucky Draw wa daw pynkhle ko haka 13-04-24 kawa man leh ka sngi wa daw pynman Fete, wei ki khusnaam namo ki Prize wa da pynkhreh toh daka poisa bait waroh.
Ka 1st Prize Rs. 1,50,000, ka 2nd Prize Rs. 50,000 katwa ka 3rd Prize won Rs. 30,000 wei da em leh 20 tylli ki Consolation Prize wa mar Rs. 1000 samen wei i dor Ticket man i Rs. 30 chi sla.
Ya kini ki Ticket Lucky Draw da wan wow pynlait paidbah da u Philanderwell Lyngdoh, Chairman ka Jowai Municipal Board haka yalang wa da pynman ha yung ka Kur Soo Kpoh Khadar Wyrnai ha Chilliangraij, Jowai wa pynlai da u Puramon Kynjing, President ka kur hei sakhilang ki khon ka Kur Soo Kpoh nadooh ki waheh wasian.
U Shape Paswet, Vice President ka Kur Soo Kpoh Khadar Wyrnai, Jowai da ong u i thmu kani ka Lucky Draw kamjooh i pynman Fete toh yow pynmih yarong poisa neibynta i chna yaka yung kur kamjooh wow pynsahnaam ya ki thaw ka kur wa kiwi kiwi.
Neiliang u kongsan, u Philanderwell Lyngdoh hawa klam yaroh u yei sbun mynsien wei yatylli ka Kur Soo Kpoh Khadar Wyrnai deiwa yooluti leh wa i thmu i angnood ka kur u man iwa jop wei nang ku neipor cheipor.
Heiyatoh wow pynyoh paikhana ha yung kur iwa da lai luti ka kur nadooh i por u Chairman warim ka JMB, neiliang u P. Lyngdoh ong u wa dang em hi ka poisa yow pyndep ya ki kaam wa sahteiñ wei daw yoh hi ki yaka paikhana.
Ong haroh u i daw wa thut kajiak toh wa ha uni u snem 2024 em i pynkylla kattu katni ki kyndon neibynta u pynkrehkaam ya ki Scheme wa yoh yarap naka Ministry of Housing & Urban Affairs ka sorkar pyrdi wa yatoh waka Jowai Municipal Board.
Itæ toh wa kam i pynmiat pynbha wa jooh yoh neibynta ki yung Hall, tangwa ha uni u snem ym chah de ki kyndon neibhah wa da kheiñ kini toh ki kaam chnong namo ki Community Development, katwa ka Municipal toh kawa rap pyrkhat bha yei khooid i pliah deiwa e yarap 99.9% neibynta kammon u pynmiat pynbha ya ki dooid ki nala waki paikhana paidbah.
Discussion about this post