Ka lympung Olympics toh kawi na ki rynsaan wa heh dooh ha ka pyrthai heiwa da chimbynta da kiwa em sap ha ki yalehke wa har rukom wei ha uni u snem ya kani ka lympung da pynman ha Paris, France nadooh ka 26 tarik u Naiynñiaw wei daw kut ko ha ka 11 tarik uni u bnai.
Kat dang mih ki snem ka India dang boon i pynmih ko ya ki khloor yalehke kiwa yoh takma heiwa neibynta kani ka Paris Olympics da phah ko hadooh 117 ngut ki wow yaknieh takma ha ki 16 tylli ki jait yalehke.
Neiliang ka India ha ka Olympics wa khaddooh wa da man ha Tokyo ha u 2020, da yoh ko 7 tylli ki takma wei neibynta ka Paris Olympics da yalehke ko wow pynlut poisa rap boon khnang wow yoh takma chooh ka ri.
Neibynta ka Paris Olympics ka Ministry of Youth Affairs and Sports ka ri India da pynlut ko hadooh Rs. 470 klur tam wei ka poisa man ko kamni ha wah:
Neibynta kiwa yaleh Hockey da pynlut Rs. 41.3 klur.
Ha ka Boxing da pynlut Rs. 60.93 klur.
Neibynta ka Shooting da pynlut Rs. 60.42 klur ya kiwa lai siat suloi wa Pistol.
Ha ka Archery da pynlut 39.18 klur.
Ha ka Wrestling da pynlut Rs. 37.80 klur.
Ha ka Table Tennis da pynlut Rs. 12.92 klur.
Neibyna ka Tennis, Golf, Sailing, Rowing wa Swimming, ka Ministry da pynlut ko hapoh Rs. 4 klur donhi neibynta kini waroh.
Ha ka Equestrian wa kiwi kiwa yatoh wa kani da pynlut awjan Rs. 95 lak.
Ya ki yalehke Athletics wa boon jait da pynlut Rs. 96.08 klur iwa heh dooh na waroh.
Ya ka Badminton da pynlut Rs. 72.03 klur iwa man iwa ar wa heh dooh ka bhah poisa.
Discussion about this post