Chem yei metyap ka bru kawa na West Jaiñtia Hills iwa da song hapoh churia wei chah noh ha wah Lapalang

Ki pulit ka East Khasi Hills ynne ka sngi da yoh ki wow lai sai ya iwi i metyap wa da song hapoh churia na ka wah Lapalang kawa em markhap ka chnong Nongrah wa Rynjah.

Da suba wa ya ini i metyap ye wow man i yong ka Eilang Phawa (39 snem) kawa da wiar nadooh ka 20 tarik u March na Lawjynriew, Shillong heiwa i chnong tre ko toh na thaiñ West Jaiñtia Hills. 

U Superintendent of Police ka East Khasi Hills, u Vivek Syiem wa kiwi ki heh pulit dapoi ki cha kani ka thaw deiwa emlang ki bru ka Forensic & Crime Scene Unit yow pynman yei takit.

Related posts

Pyntip ka Joint Committee cha ka NGT wym bood kyndon yow yada ya ka um hawa chna sarok | Em ki thaw wa da kset sbak ka um

April 27, 2026

Iwa maa dooh iwa da leh O toh wow psiah Congress: Jubab kawi ya u Rahul Gandhi

April 27, 2026

Hawa pyntikna wa em i metyap, u SP da ong u wa ki pulit da yoo ki ya ki dak ki chin wei da tipmit ki leh ya u bru wa suba emkti ha ini i kaam pynyap. Heijooh i por da ong u wa ya kattæ ym pu ye wow ong iyi iyi wei daw yang ya ka Post-Mortem Report.

Uwi na kiwa sah marjan ha katai ka thaw, da khana u wa ha ka miet wa ar ka tayaaw wa dadep, heipor kamwa 11:00 waje haroh, da yoh sñiaw na yung wa em wa noh tiar heiwa da sñiaw leh kamwa em i tiar wa khia wa chah noh tangwa ym em da mutdur sih ki neidaw wa kani ka wah toh kawa khian heiwa da pyrkhat wa em kiwa noh jhep.