Ka chnat Excise ka jylla Maharashtra da khang ko ya ar tylli ki thaw dih kiad ha sorbah Pune neidaw wa dai kiad ki ya uwi u khynnah wa 17 snem chwa wow tyrrah u ya ki ar ngut hadooh wa yap ha i step synyaaw ka 19 tarik ha Pune.
Uni u khynnah da yah u ya ka kari Porsche Taycan kawa ympu em Permanent Registration hanlada dep thied ya ka na u Wisu (Feb) kawa da wanrah na Bengaluru cha Pune deiwa em da ka Temporary Registration wei kani ka kari man ko ka kari Electric.
Chooh chooh ki pulit da chem ki wa uni u khynnah da pynlut u hadooh Rs. 48,000 hapoh 90 minit ha i dukan dih kiad wa psiah nyngkong u wei da chim leh ya kani ka Bill yow man kam ka sabut ha ini i takit.
Uni u khynnah chirup wa ki lok u da lai chwa ki ha Cosie Restaurant-Pub heipor 10:40 i miet ka 18 tarik heiwa da pynlut ki Rs. 48,000 neitæ won da lai ki cha Blak Mariott, heipor 12:10 i pyrdi synyaaw ka 19 tarik.
Kini ki ar ngut wa da chah tyrrah hadooh wa yap toh u Anis Awadhiya wa ka Ashwini Costa kiwa 24 snem na Madhya Pradesh.
Puræ leh: Dei phah thoh Essay kam ka kyndon e jamin ya u khynnah wa pynyap ya ar ngut da ka kari Porsche
Discussion about this post