Jowai: Ong i kyntien ki khroo pyrkhat, i e sñiawbha yei snam cha ki para bru wa dawa u yoh yei yarap toh man i chibynta ka laad wow pynim yei mynsien wa kordor yong ki para bru wei man i leh ka luti wow yoh yei chait i khiah wei doh i pran wa chait wa khlan, kamtæ katwon man ka khubor wa sñiawsuk wa ka Dorbar Chnong Chilliangraij hajrong katæ ka thong dei sñiawkhia khut pynman ko ya ka Awareness Cum Voluntary Blood Donation Camp hei yakrehlang wa ka Blood Bank Jowai.
Ya kani ka prokram da pynman ha yungwalieh ha ka sngi Hat 30 u Khonchonglad heiwa dawan yachimbynta da ki khon ka chnong chynrang, kynthai wei chwa wow poi ka bynta i chim yei snam neiliang ki bru ka Blood Bank Jowai hei pait i pynlai ka Dr. P. Shylla, Senior Medical & Health Officer dachim ki wow sylli bniah ya kiwa e snam (Donors) iwa man katkam ki kyndon chwa wow chim yei snam.
Hei yaklam wa u Oriland Shylla, Secretary Centenary Celebration of Yungwalieh Dorbar Chnong Chilliangraij, da khana wa i pynman ya kani ka e snam sñiawbha toh chibynta wow yarap ya ki para bru wa dawa u yoh yei snam wa kordor chiban wan man ko leh ka dak yong i lehkmen leh burom yei dap 100 snem i yungwalieh wei neini chakhmat leh daw pteiñ chooh i pynman ya kam kani ka prokram chirup i yakrehlang wa ka Blood Bank Jowai.
Discussion about this post