15 49.0138 8.38624 1 0 4000 1 https://wyrta.com 300 0

Sdang ka lympung Myntdu Kutsnem Football Tournament 2019 yong ka chnong Mihmyntdu

0 Comments
Advertisement ad1

Jowai: Ynne ka sngi, u MDC ka Mukhla Wahiajer, u Ailad Bhoi da wai pyrda u ya ka Myntdu Kutsnem Football 2019 ha Madan Thymme Lumpyrdi Mihmyntdu, heiwa da e u ya ki kyntien kitbok kitrwiang yow man ka lympung wow yoh u yoo ya ka sap ki khon ka chnong, kamwa man katni ka Sports man ko kawi na ki laad yoh kreh ha ka juk dooh kreh dooh kaam katni. 

Da yoh leh ya i klam na u Waheh Chnong ka Mihmyntdu, u Abul Phawa, na u Adviser yong ka Mihmyntdu Sports Club u Chriam Ryngkhlem wa ki kyntien e khubkei na u Asst. Secretary Sports Club u Noberth Phawa wei ya ka yalang da pynlai da u Chairman ka Club, u Eki Chyrmang. 

Ha ka yalehke wa da pynman 2 tylli, ha kawa nyngkong da pynman hapyrdi ka Pohskur Sports Club pyrchah ya ka Lumphyrnai heiwa ka Lumphyrnai da yoh ko yei jop da 3-0 lyngba ka kool (Own Goal) Pynshngain Phawa ha ka minit kawa 25, bood won sa ki kool nau  Miki Rymbai ha ka minit kawa 31 wa ka 61. 

Ha ka yalehke kawa bood da pynman hapyrdi ka Lumpyrtuh pyrchah ya ka Blue Mark heiwa ka Lumpyrtuh da jop ko da 2-1 lyngba ki kool na u Mydajied Lyngdoh ha ki minit kawa 9, 66 katwa ya ka chi kool ka Blue Mark da yoh lyngba u Pynshai Biam ha ka minit kawa 64.

Kani man ko katkam ka wyrta na u Secretary ka club, u Kynmoolang Phawa.

0 Comments

Leave a Reply