15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pynman Awareness Programme ka Childline ha Tia Chaphrang Hr. Sec. School, Sohkymphor

0 Comments
Advertisement ad1

Sohkymphor: Ka Childline, Jowai kawa man kawi na ki project yong ka Ministry of Women and Child Development ka sorkar pyrdi, kawa kreh wow yarap wei wow yada ya ki khynnah kiwa hapoh 18 snem ha kiwa boon ki bynta, da pynman ko ya ka Awareness Programme ha Tia Chaphrang Hr. Secondary School, Sohkymphor ha kani ka tayaw wa dadep.

Ka Mandakini Nongtdu, Centre Coordinator yong ka Childline Jowai, da batai ko hajrong ki phang ki wa kongsan wa ka Child Line kreh ko neibynta ki khynnah, heiwa ki dkhot yong kani ka tnat yaleh ki wow leh kammon wow pynlait im ya ki khynnah wow lait na i yap kam na ki kjut, næ yap thngan, namo na ki kti ki damok, wei wow ri wow sumaar ya ki khynnah kiwa da chah iehbeiñ, wow yarap ya ki lada ngat ki ha kiwon kiwon ki kaam thombor, wa kiwi kiwi.

Da kyntu ko ya ki khynnah wa lada chem næ yoo ki ya kiwon kiwon ki para khynnah kiwa hapoh ka 18 snem i rta kiwa ngat ha kam kini ki kaam wow pyntip wut-wut cha ka tnat Child Line deiwa phone ha u Number 1098 namo 8014710276.

Ha iwi tawon i liang, ka Revivian Lamin, kawa man kawi na ki dkhot ka Child Line da klam pynche ko hajrong ki hok ki khynnah wa toh u yoh ki, heiwa ki khynnah kiwa hapoh 18 snem em ki ka hok wow im, ka hok wow yoh i stat tip, ka hok wow kyntu ya ki ha kiwa boon ki bynta.

Chooh chooh da pachat ko leh ya ki kattu katni ki aiñ kam ka POCSO (2012) heiwa da pynchlur ko ya ki khynnah wa ymtoh u muhrieh ki lada em iwon iwon iwa chon wei i wym sñiawsuk ki hei rukom sñiaw yong ki.

U Reachingson Siangshai, uwa man kam u dkhot ka Tia Chaphrang Educational Management Society, da pynsñiaw u yei sñiawngooh wei da ekhublei u ya ka tnat Child Line kawa da wan wow pynman kam kani ka esikai wa kyrpang ha Tia Chaphrang Hr. Sec. School kawa da yoh myntoi bha ki khynnah.

 

Advertisement ad1

0 Comments

Leave a Reply