Ka Jowai Diocese Catholic Youth Movement (JDCYM) chirup i yakrehlang wa ka Kyrmen Foundation ryngkat i kyrchaan ka Federal Bank, Jowai Branch, ha ka 2 tarik uni u bnai da pynman ki ya ka Voluntarily Blood Donation Camp ha Tome Memorial Higher Secondary School, Mooralong Jowai.
Ha ka yalang tbain wa pynlai da u Wellson Siangshai, President JDCYM, da yoh i ngooh Blai na u Wansuk Kyndait, DYLA JDCYM wa i klam pdiang burom na ka Aiti Mary Mawlong, Volunteer Kyrmen Foundation.
Ha kani ka sngi u Kyrmen Shylla, MLA ka Khliehriat da man u kam u kongsan, u A. Andrew Shullai, MDC Jowai North kam u symbood kongsan, hei emlang u Senior Branch Manager ka Federal Bank Jowai Branch, chirup u Dr. M. Ryngkhlem, Medical & Health Officer, Jowai Civil Hospital, u Rahnam B Jyrwa, Assistant Director ka Meghalaya State Blood Transfusion Council, Shillong, ka Sr. Wansuk Kyndait, DYLA JDCYM, ka Principal ka skur Tome Memorial HSS, ka Sr. Teresa Paite deilang wa kiwi wa chah khut sñiawbha.
Ha kani ka sngi da em 27 ngut ki khynroo khyllood wa wan e pyrtuid wow e snaam sñiawbha tangwa na kini 15 ngut kiwa man biang u e snaam.
Da pynkut ya ka yalang da i klam e khublei na ka Rilin Mary Shadap, General Secretary JDCYM.
Discussion about this post