Ynne ka sngi dei ya krehlang ka Kyrmen Foundation chirup wa ka Seng Samla Cathedral Parish Jowai da pynman ya ka Blood Donation Camp, ha Vianney Hall Parish Jowai.
Ha kani ka Camp da ya krehlang wa ka St. Theresa Cathedral Parish Jowai Centenary Celebration, ka HDFC Bank Jowai Branch, ka Meghalaya Blood Transfusion Council wa ka NEIGRIHMS Blood Centre.
Da wan wai ya kani ka e snaam sñiawbha da u Kyrmen Shylla, MLA ka Khliehriat kam u kongsan ryngkat u Dr. Rudion Roland Kyndait kam u symbood kongsan, hei emlang u Rev. Fr. Augustine Lamin PP Jowai Parish, ka Sr. Rina Marbaniang, kiwa mihkhmat na ka State Blood Transfusion Council, ka Branch Manager ka HDFC Bank Jowai Branch wa kiwa yahkhmat yong ka Seng Samla Cathedral Parish Jowai wa kiwa mihkhmat ka Kyrmen Foundation.
Ha kani ka sngi da wan Register 41 ngut heiwa da jied ya 23 ngut wow e snaam sñiawbha.
Discussion about this post