Raliang: Ka Seiñ Raij Raliang da pynman ko ya ka Regional Youth Conference kawa chi sngi ha ka 20 tarik u Naisan (May) 2018 ha Iung Seiñ Raij Raliang, Chrah-Umphula hajrong ka phang (Theme) “Socio Cultural and Economic Development”.
Chwa u sdang ka Conference da yoh ki kyntien Ngooh Blai na u Rideiwa Dkhar, wa i klam waiphang na u Binroy Dkhar u President ka Seiñ Raij Raliang.
Ha kani ka sngi ki bru chemphang namo ki Resource Person da batai bniah ki heiyatoh wa kani ka phang na u Dr. M. Tyngkan, uwa da batai wa emkaam bha ka yoh ka kot khnang wow ye u pynphet yei kaam niam ka rukom, katwa u Heibormi Sungoh da batai u wa emkaam u pynneh pynsah ya ki put ki tem tynre katwa u Hamjhan H Dkhar da batai u yei emkaam u man kiwa yahkhmat kiwa khlan khnang wow ye u pynku ya ka imlang sahlang.
Ka Bhabiang Suchiang, da batai ko chaphang i riam i bait deiwa ong wa emkaam u riam u sap da i wa em akor em burom, katwa ka Daburom Dkhar da batai ko chaphang ka akor burom watoh ka akor watam hei man bru, katwa u Emsakhit Lyngdoh da batai u wa emkaam u yieñ skem hei pyrkhat pyrdaiñ wymhoi u man i wa tlot khnang wow ye u pynku ya ka imlang sahlang, ha kani ka Conference da wan chim bynta da ki khon Niamtre yong ka Seiñ Raij Mowtyrshiah-B wa ka Seiñ Raij Raliang.
Hadien wa dep batai ki Resource person da phyllu yumut ha pyrdi ki wa chimbynta, wei da saam leh ya ki Certificate cha kiwa chimbynta.
Ha chwa u pynkut da yoh i khublei kyrkhu kyrdoh na u Heiborki Suchiang General Secretary Seiñ Raij Raliang.
Discussion about this post