Shillong: Hadien i sdang jop ka Mission Sahasi namo ka esikai ya ki kynthai khynnah wow yada ki pyn daki yaki hi namo wa tip hei ktien para kam ka “Girl’s self defense training” hapoh Mumbai, ka Akhil Bharatiya Vidyarthi Parishad (ABVP) da chimkhia ko wow pynpoor ya ini i esikai ha kylleiñ ka ri.
Ynne ka sngi ka ABVP Meghalaya State leh da chimkhia ko wow pynman kam kani ka esikai kawa sdang na sor Shillong hei yakrehlang wa ka yung krehkaam u Superintendent of Police, East Khasi Hills.
Ynne ka sngi da sdang kani ka esikai ha Lady Kean Higher Secondary School, Shillong.
Ka ktien imsngi yong kani ka esikai man ko wa ymtoh du wow pynkhlan yei doh i pran tangwa wot hadooh i bor pyrkhat wei wow man ki kiwa chlur.
Ini man i katkam wa pyntip da ka Mission Sahasi State Convenor ka Darilin Tang, kawa man leh kam ka State Secretary yong ka ABVP.
Da pyntip ko leh wa kani ka esikai da thmu wow pynman wa ha ki skur wa ki thaw puræ kam ki college wei daw pynman kam kani ka esikai ha Jowai leh kamjooh.
Discussion about this post