15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym em thmu O wow seiñ da ka yong nga ki ka seiñ saiñ hima: Dr. DD Lapang

0 Comments
Advertisement ad1

Shillong: Uwa yahkhmat warim ka Congress hapoh jylla, u Dr. DD Lapang ynne ka sngi da rai u wow man kam u Masan yong ka sorkar wa yahkhmat da ka National People’s Party (NPP) ka Meghalaya Democratic Alliance (MDA) hadien wa da thung ya oo kam uwa ebuit ya ka sorkar.

“Hadien wa chong pyrkhat yillu nga wa ki lok yong nga, kiwa hayung, wa kiwa kyrchaan da rai O wow pdiang yei kreh wa tyrwa ya nga wow man kam uwa ebuit namo u Chief Adviser,” da ong u Lapang ynne ka sngi hawa yaklam wa kiwa pathai khubor.

U Lapang da mih noh u na ka Congress, ka party kawa da jooh em u waroh chi kattu kam ka dak wow pyrchah yei chah kyntait kiwa da heh rta na ka party.

Da ong u wa hadien wa tyrwa ya oo ya kani ka kaam, ym em wa pynbor leh wow psiah cha kawon ka party.

“Manda wan tyrwa ka sorkar MDA, da ong ki wa ym em wan tyrwa ki wow psiah party O, tangwa wan tyrwa ki wow man kam u maheh yong ki (MDA) wei wow yah luti O ya ki. Da ong O ya ki wa kwah O u kreh laitlooid khlem chah kdoh”, da ong u Lapang.

Da pyntip u leh wa ympu em yachem u ya u montri rangbah ka jylla, u Conrad K Sangma namo wot ya u symbood montri rangbah, u Prestone Tynsong neibhah em ki cha baar jylla wei da yaklam wa ki dang du ha ka phone donhi.

Heiyatoh won wei wow psiah u cha kawon kawon ka party, da ong u “Daw lai O cha kiwa chah ya nga wow chakri O ya ki paidbah, wei hajrong ini da pdiang O yeiwa tyrwa ki neibhah wa man i i tyrwa yong ka sorkar.”

Da ong u leh kat hei rta yong oo ym em yumut u wow siañ ya ka seiñ saiñ hima wa thymme.

Advertisement ad1
Share this:
Previous

Pynman ka ABVP ya ka esikai ya ki khynnah kynthai kammon wow yada ki pyn daki yaki hi

Next

Phah paan maap ka JSM ya ka bai bordiñ ki paidbah ka EJH