Jowai: Ka All Jaiñtia Students Union (AJSU) da yoh ko u pynman ya ka “1st Awareness Program on Pocso Act 2012” ha Jaiñtia Eastern College, Khliehriat East Jaiñtia Hills District heiwa ya kani ka yalang pynsñiawthooh paidbah da pyllai da u Working President u PS Phawa ka seiñbei.
Ha kani ka yalang da wan lang u SP ka East Jaiñtia u S. Nongtnger uwa man kam u kongsan hei emlang u BJ Kharshandy BDO ka Saipung, u P. Nongtdu Principal ka JEC College, u T. Kyndiah kam u bru chemphang (Resources Person) yaka aiñ POCSO uwa man leh kam u Child Protection Officer (CPO) ka East Jaiñtia Hills, u S. Lyngdoh President ka EJNC, u E .Shadap President ka HANM, u D. Siangshai General Secretary ka JSM CB wa kiwi kiwi.
Hei klam u kongsan, da ong u wa kani ka aiñ man ko kawa emkaam bha u tip ya ka khnang wow tip yei hok ki khynnah chynrang wa kynthai wei da em ki kyndon wa khor bha ya kiwa tyngkheiñ ya ka.
Neiliang u Kharshandy BDO ka Saipung da e yaroh u ya ka seiñ AJSU wa da mih ko cha khmat wow pynman ya kani ka yalang pynsñiawthoh paidbah kawa emkaam neibynta ka imlang sahlang ka jaitbru yong i.
U T. Kyndiah Child Protection Officer (CPO) da klam bniah u chapahang kani ka aiñ kawa da pynmih neidaw wa joor ki kaam pyrchah ya ki khynnah chynrang wa kynthai kam ki kaam slaitbor wei da klam u leh chaphang ki kyndon waphær waphær kani ka aiñ.
Ha kani ka yalang da wan wow embynta ki khynnah College wa ki khynnah skur ka East Jaiñtia Hills.
Discussion about this post