Ka Bamphalar toh kawi na ki rukom dustur wa da pynjooh sikai wow leh u pynman da ki kattu katni tylli ki dong ki chnat ha chnong Jowai chwa wow sdang i rep i riang cha hali pynthor, kamtæ ka Chilliangraij kam kawi na ki dong ki chnat, u loom u pdeiñ wa jooh leh næ pynman ya kani ka rukom dustur, ha kani ka tayaaw nadooh ka sngi Thymbleiñ 2 tarik, hadooh ynne ka sngi Khyllaw 4 tarik da pynman ko yaka Bamphalar deiwa em i lehke Drama ha ki ar miet wa i baamdoh sñiawbha da waroh ha Yungwalieh.
Haka yalang yahkhmat yong i wai yaka Bamphalar 2024 hei pynlai u Cheini Niangti, Symbood Waheh Chnong da yoh i klam i kappæ chaphang ka yurim yong ka Bamphalar wa da khana pynsñiaw na u Lamphrang Shylla, Secretary Arts & Culture Committee, u Oriland Shylla, General Secretary wa kamjooh na u D.H. Pde, Waheh Chnong uwa man leh kam u kongsan neitæ pynbood i klam na u Sylverstar Lanong, Director waki kyntien sñiawngooh na u Rafter Rymbai, Asst. General Secretary.
Ki ar tylli ki parom Drama wa da yoh ki paidbah u sakhi ha ki ar miet yong ka Bamphalar toh ka ‘Slabha’ wa da thoh da u Sylvestar Lanong wa kawi won toh ka ‘Khyrngiat’ wa da thoh wei pyntoh pyntne da u K.C. Roy Pde.
Kam wow pynwyrngia yaki bynta ki Drama haki ar miet da em leh ki chaad wa i leh chutia danda wa da chimbynta da ki khynnah wa ki khynroo.
Discussion about this post