theme-sticky-logo-alt
theme-logo-alt
Advertisement ad1
Advertisement ad1

Pynman ka Chutwakhu yei yakob Bicycle Slow Racing waka yakob pynhær phok

Ka Art & Culture Committee yong ka Chutwakhu Social Welfare Local Dorbar ynne ka sngi da pynman ko yei yakob yah Bicycle Slow Racing wa i yakob pynhær phok ha madan Jrisaleiñ Chutwakhu, Jowai wa da wan chimbynta ki khynnah kynthai wa chynrang.

Haka yakob Bicycle Slow Racing da pynman neibynta kiwa em 8 snem hadooh 15 snem i rta heiwa da yoh nyngkong da u Sa U Ni Emitre Sumer, wa ar u Adio Adony Zedek Rymbai wa le won u Manmi Raphael Pyrtuh.

Neitæ haka yakob pynhær phok namo ka Kite Flying Competition (Open to all) da jop da u Dayooluti Bareh kam ka phok wa jrong tdong tam, u Darry Chullai heiwa ka phok yong oo da man ko kawa phær dur tam, katwa u Sardonic Dkhar da yoh u yei naam ka phok kawa hær chajrong tam wei neh ti-ian.

Ya kini ki yakob da pynman kam chibynta na ki lehkmen wow e khublei snem warim wei wow pdiang ya u snem thymme.

Share this:
Previous

E khublei ka Lapangap Pyllun ya u Sniawbhalang Dhar

Next

Pynkup burom ka Khliehmushut Shangpung ya kiwa yahkhmat warim ka chnong