Ka East Jaiñtia Mahila Congress Committee da pynman ko yei lai Rally ha Wapung neibynta wow pyrchah yei wym su ka NHAI ya ki tre thaw kiwa da chah ktah nei pynheh ya u surokbah NH06, heiwa ynnin ka sngi ya kani ka Rally da pynlai da ka President yong ka East Jaiñtia Mahila Congress Committee ka Jhanika Siangshai wei da em leh ka Gracebedel Rymbai kawa man ka President yong ka Ladrymbai Unit.
Neiliang ka Jhanika da khana ko wa nadooh u snem 2018 da ya lai luti ha kani ka kaam wym pu yoh bai thaw ki tre thaw na ka NHAI wei hawa lai khana ya u DC ka East Jaiñtia da suki hi-eh u wei ym chimkhia u ya kani ka kaam neibynta kini ki manyung kiwa da chah ktah hei tooid ka um jakhlia cha yung khamtam hei por slap heiwa kawi na ki tre thaw ka H. Siangshai da khana ko wa lada u DC ym chimkhia u, ym yohsa ki wow pynjoor yei yakhih yong ki.
Neiliang ka President yong ka Wapungskur Unit, ka Khmihbha Phawa da ong ko wa da yoo phylla wym chimkhia u DC hajrong ini i kaam iwa da man leh kamwa leh chiliang khmat wot hadien wa da lai ujor da ki tre thaw.
Kamtæ ha kani ka Rally da iwi i sur da rai wym chong klikti hajrong ini i kaam wei da e por ya u DC chi bnai wow leh yeiwa emkaam.
