Jowai: Ka District Legal Service Authority (DLSA) WJH deiwa ya krehlang waka Jowai Shillong Tourist Cab Association, West Jaiñtia Hills ynne ka sngi da pynman ki ya ka thung dieñ ha rood sarok wa i pynkhooid rood sarok nadooh na Riatturiem hadooh wa poi ka thaw pynyieñ kari kamai Sumo, Jowai.
Ha kani ka sngi da chimbynta lang ka Daphi Sohtun, Secretary ka District Legal Service Authority, Jowai, u Dame H Pde, MPS, Assistant Commandant SF 10, Shillong, ki Executive Members ka Tourist Cab Association wa kiwi.
Chwa wow man i pynkhooid wa i thung dieñ da pynman yaka yalang wa tbian heiwa ka D. Sohtun hei klam yong ka da khut ko ya waroh kiwa chong chnong wow man kiwa em i kitkhlieh. Da ong ko leh wa ka rymaw da kyrkhu ko ya i da ki thaw wa miat hapoh ka District kiwa ka-it ki paidbah u lai ke kamtæ man ko i kamram yong uwi pa uwi wow pynman i ya ka rymaw yong i kawa khooid wei wow pynneh pynsah ya ka.
Da pynchlur ko leh ya kiwa kamai kari wow pynmyllien ki u man kiwa leh khooid kamjooh ya kiwa chong kari wei wow dam u chah ya kiwa chong kari wow noh jhep ki charood heipor wa lai luti.
Discussion about this post