15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynman ka SELD Mowkaiaw ya i pynsñiawthooh chaphang ka HIV-AIDS ha Raliang

0 Comments

Jowai: Ka Social & Economic Life Development (SELD) Committee Mowkaiaw Presbytery deilang waka Meghalaya AIDS Control Society Shillong da pynman ko ya ka pynsñiawthooh paidbah namo ka Awareness Program ha Community Hall ka chnong Raliang hajrong ka phang “I ktah i kjut HIV-AIDS”.

Ha kani ka yalang pynsñiawthooh da wan lang kiwa chong chnong ka chnong Raliang, ki khynnah skur na ki skur waphær waphær ka chnong Raliang, kawa pynlai da u Chairman ka SELD Committee u Rev. R. Laloo, uwa da e ya ki ktien yahkhmat heiyatoh i thmu u pynman ya kani pynsñiawthooh paidbah.

U bru chemphang toh u Ajoy Lanong uwa na ka Meghalaya AIDS Control Society Shillong uwa da pynsñiaw ya i rukom poor kani ka jait kjut wa ha ka thaaiñ Jaiñtia boon kiwa ym em chimkhia ki bru wow phah sumaar ya ki.

Ka M Papiah Adolescent Counsellor na ka Laskein CHC da kyntu ko wa wym hoi u sarom u wan cha ki thaw sumaar u phah Test pynyaki hi khamtam ya kiwa pun khon yow yoh sumaar wa paka wei yow lait na i poor kani ka jait kjut ha ki khonboo, da kyntu ko leh ya ki khynnah skur wym hoi u jhan u chongkha hawa dang khian i rta.

Hadien i klam ki bru chemphang da yoh ya i kylli wa i ya phyllu yumut khamtam na ki khynnah skur, ha chwa u pynwai ya kani ka yalang da yoh ya i kyntien e khublei wa kyntien kyrkhu kyrdoh ya waroh kiwa wan na u Rev. H. Lyngdoh u Secretary ka SELD.

Previous
Next

0 Comments

Leave a Reply