Jowai: Ka District Legal Services Authority, West Jaiñtia Hills District chirup wa ka Nangbah Youth Awakening Movement ynnin ka 2 tarik da pynman ki ya i esikai hajrong ka NALSA (Legal Services to Disaster Victim through Legal Services Authorities) Scheme 2010 wow pynsñiawthooh yei myntoi yong i lehkhooid wa i e yarap cha kiwa chah ktah ha ki bor ka rymaw.
Ha kani ka pynsñiawthooh da emlang u E. Kharumnuid, District and Sessions Judge cum Chairperson, DLSA, WJH, u Tonroy Iongwai u Waheh Chnong ka Nangbah wa ki Executive Member ka chnong.
Ya kani ka yalang da pynlai da u muktiar, u R B Hinge, Assistant Waheh Chnong Nangbah uwa man leh u dkhot ka DLSA West Jaiñtia Hills.
U Dr. Luckystar Sungoh na Nangbah PHC da klam u hajrong i myntoi yong i lehkhooid wei kammon wow yada na ki kjut, ka D. Sohtun, Secretary DLSA da klam ko hajrong ka NALSA (Legal Services to Disaster Victim through Legal Services Authorities) Scheme 2010.
Da pynman leh ya ka Second Annual Marathon ya kawa da bhah boon bynta hajrong ka phang ‘Mer yong i mer sha ka thong ka jinglehkhuid’.
Da saam leh ya ki thaw nohjhep cha ki skur wa em hapoh ka chnong Nangbah yeiwa da pynbood won sa i pynkhooid chnong wa i thung dieñ.
Discussion about this post